जुळल्या सगळ्या त्या आठवणी.
निर्जीव उसासे वाऱ्यांचे
आकाश फिकटल्या ताऱ्यांचे
कुजबुजही नव्हती वेलींची
हितगुजही नव्हते पर्णांचे
ऐशा थकलेल्या उद्यानी
स्वर आले दुरुनी
जुळल्या सगळ्या त्या आठवणी.
विरहार्त मनाचे स्मित सरले
गालावर आसू ओघळले
होता हृदयाची दो शकले
जखमेतुन क्रंदन पाझरले
घाली फुंकर हलकेच कुणी
गालावर आसू ओघळले
होता हृदयाची दो शकले
जखमेतुन क्रंदन पाझरले
घाली फुंकर हलकेच कुणी
स्वर आले दुरुनी
जुळल्या सगळ्या त्या आठवणी.
जुळल्या सगळ्या त्या आठवणी.
पडसाद कसा आला न कळे
अवसेत कधी का तम उजळे
संजीवन मिळता आशेचे
निमिषात पुन्हा जग सावरले
किमया असली का केलि कुणी
स्वर आले दुरुनी
जुळल्या सगळ्या त्या आठवणी.
...
Written by- यशवंत देव
Composed by- प्रभाकर जोग
Sung by- सुधीर फडके
