Likhta hoon kehne ankahi, aaj mujhe laaj nahi aati,
yaadon ki shrikhla jal rahi hain kab se, raakh nahi hoti.
Kisi ke jane se koi fark nahi padta, baar baar log kehte hain,
kya tab yeh mann ek baar se jyada chitah nahi chadhta hain?
Ishwar, nasib, insaan, aur ab swaym se bhi chat chuka hoon,
bahut kuchh hain yaha, phir bhi ab dil behlta nahi hain.
Jaanta hoon tum meri nahi ho, naa shesh bach saka prem bhi hain,
phir bhi sochta hoon tumhari baahon ko, aur raatien jo beeti nahi.
Aakhir ab main chahta kya hoon? koi samajh paya nahi,
Kuch nahi chahta hoon mein, sach ab tumhe bhi nahi.
Kyu hua? kisne kiya? bhala ya bura hua? prashna bahut uthte hain,
uttar hain, hona hi tha, maine kiya na tumne, jo hua theek hua.
Koi prashna jaruri aur uttar kafi nahi hota, mujhe ab pata hain,
jaroori hota hain, ek ka dusre pe bharosa jo mujhe main nahi hain.
jaroori hota hain dil ka kahi lag jana, uske liye marna aur maarna,
vyast hona aur khush rehna, jo ab mujhse kaha ho paata hain?
