Ghutan

Ghutan nahi hoti sirf bandh kamron mein

lambe safaro mein. ya akelepan mein, 

Ghutan hoti hain, aatma ko, sharir mein,

vicharo ko, mann mein, mujhe,is samaj mein.

Choohe ki andhi daud mein, ghutan hoti hain (2)

paiso ki khanak mein, aaj ki holi ki pavitra dahak mein.

Diwali ki mithai mein, bhai ki sagai mein,

mann mein, tann mein, is sampoorna janm mein.

Jab ghutan hoti hain, lagta hain aise ki

jaise khule kheton mein, gaay bandhi ho khute se

jaise kachua ho, biran registaan ke kue mein

jaise bikhra patta sukhe ped ka,banjar zameen pe.

Lohe si sakht aur Sarp si zahreeli, kali moti ghutan

mujh mein aksar paida hoti hain, janm leti hain,

andar hi andar palti hain, bahar aane se darti hain,

aur ajanmi ghutan, toh asahya peeda karti hain.

hota to jaroor hoga! Koi samjhao,

is ghutan ka upyog kya hain?

ek bar bass mil jaye, is ghutan ka prayog kya hain?

kash ye ghutan, nanhi pyari bholi hoti.

Ghutan nahi hoti sirf bandh kamron mein
lambe safaro mein. ya akelepan mein,
Ghutan hoti hain, aatma ko, sharir mein,
vicharo ko, mann mein, mujhe,is samaj mein.

(Wrote it tat Jet Airways H.O during my summer internship. First draft.)