Hamaari hi muththi mein aakash sara

Hamaari hi muththi mein akaash sara,

jab bhi khulegi chamkega tara...
kabhi na dhale jo, woh hi sitara
disha jis_se pehchane sanasar sara.

Hatheli pe rekhayen hain sab adhoori,

kisne likhi hain, nahin jaanna hain... 

suljhane unko na ayega koi,

samajhna hai unko yeh apna karm hain...

Apne karm se dikhana hain sabko, 

khudka panapnaa, ubharna hain khud ko... 

andhera mitaaye jo nanha sharara, 

disha jis_se pehchane sansar sara.... 

Hamare peechhe koi aaye na aaye, 

hamein hi toh pehle pahunchna wahaan hain.. 

jin par hain chalna nayi peedhiyon ko,

unhi raaston ko banaana hamein hain...

Jo bhi saath aaye unhe saath le le, 

agar na koi saath de toh, akele...

Sulgaa ke khudko mita dein andhera,

disha jis_se pehchaane sansaar sara...

Hamaari hi muththii mein aakash sara

jab bhi khulegi chamkega tara...
Kabhi na dhale jo, woh hi sitara
disha jis_se pehchane sansar sara...

Written by Mangesh Kulkarni, Sung by Manna Dey, beautifully composed with only Zils (Manjiraa) and Tabla by Laxmikant Pyarelal,  in a Movie by Nana Patekar, The Final Attack- Prahaar. I absolutely love this piece of work.